Thursday, November 8, 2007

"Manette"

“Manette”

Abi nakog magkita ta ig anha nako’s inyuha, dili na diay?

Sagdi lang Manette, tungod sa imong kamatayon, dili nako mag-ihap pa sa mga adlaw nga nahabilin para sa pasko. Useless na diba? Useless…

Og useless man gyud ang pasko kay usa kini ka fake nga selebrasyon para mamahimong sobra ka gastador ang mga tawo. Usa kini ka paagi aron ang gamay nga sweldo sa atong ginikanan kuhaon pa gyud sa Ginoo ug Kapitalista aron ibalik nila pinaagi sa pagpasulabi og gasto panahon sa giingon nilang “pasko.” Maypa ang imong giila nga Ginoo adunay sapot, ikaw nga niila wala. Maypa si Bishop Capalla og ang iyang Ginoo gi-alirungan sa katahum, kalipay, kalami sa pagka-on, ikaw wala. Hunong nag tuo nila.

Gitudlo-an kita nga magtigum para lang diay gastu-on. Gitudlo-an kita nga maghatag para nga magpabilin nga uyamot ug pulubi ang daghan. Gitudlo-an kita nga malipay, magsadya, mag-hudyaka. Apan ang linugdangan niining tanan mao man ang kamatayon nimo?

Wala man gyu’y lain nga pasanginlan sa imong kamatayon. Samtang ang fake nga presidente nga si Gloria (nga duol sa Ginoo) naghatag og hundreds of thousands sa mga korakot nga burukrata-kapitalista, ikaw nagsuwat sa imong diary nga maglisud kag adto sa eskwelahan tungod kay wa kay plete. Samtang imong mama, nagsige og pangita og labahan para adunay ikahatag sa imong project.

Ni-adtong elementary pako, nabasa pud nako sa balita nga adunay elementary students na nikalit lang kakuyapan sulod sa classroom kay wala diay pamahaw. Naa puy uban nga kung mag ingon na ang maestro nga “Open your notebook class and write the following”, mo-ingon pud dayun ang ubang estudyante nga “Sir, mogawas sa ko kay mangita kog ipatimbang.”

Karon Manette, karon… kay imo na’ng istorya.

Apan, dili ko mabalaka nga dili nata magkita. Nipanaw naman ka pero nagsilbi pa guihapon ka nga inspirasyon tungod ang imong nahimutangan. Ang imong katahom og ka-alaot nagpabiling buhi nga inspirasyon para panganduyon ang katilingban nga mohatag nimo sa imong nga mithi ug mga pangandoy!

What does Courtney Act and Rich Fernandez have in common?

Self-proclaimed Courtney Act fanboy Rich Fernandez does a fun and quirky shoot with Filipino photographer Adrian Gonzales. So who is Ri...