Saturday, July 26, 2008

ASA NAMAN KA?


ASA NAMAN KA?
(July 25, 2008 Gisulat sa akong tambayanan kauban ang mga tiguwang nga retired na)

I.
Maabot naman kuno ka
Matud pas kahimtang sa milabay’ng
Duol napulo ka tuig
Dugay-dugay napud siya wala kabati nimo

II.
Miaging semana, gipabilib mo sila (og gipakuratan)
Bisan gani siya, nakalitan (og gamay)
Pero, makuratan diay ang nangandam?
Diba sukwahi kini sama sa miagi?

III.
Ambot kung unsa pud ang istatus
Sa inyong pagplano ug pagpatuman niini
Kampanti kaha kamo nga ma-inyo siya?
O, siya makuha niya?

IV.
Apan, dili ika-tinga
Kay sulod duol sa usa ka dekada
Padayon man mo nga naa
Nagkabangis

V.
Apan ang pundasyon nga iyang naabtan
Sama kalig-on sa kawayan (nga igo rang pasayawon sa bangis nga hangin)
Dili matumba. Og ang tunok niyang makalilisang, iya rang giligiran
Mabati ang kasakit og ka la niini

VI.
Kay ang imo unyang pag-abot
Tayming sa iyang paningkamot
Nga mohigda og balik sa tunukon nga kawayan
Higdaan og gakson

VII
Asa naman diay tuod ka?
Usahay makalimtan, usahay mahinumduman
Basin ang kalit mong pagpakita
Mao unya’y rason nga magligid siya’g balik sa kawayanan og higdaan

Samtang gipasayaw kini sa bangis nga hangi’ng amihan.

What does Courtney Act and Rich Fernandez have in common?

Self-proclaimed Courtney Act fanboy Rich Fernandez does a fun and quirky shoot with Filipino photographer Adrian Gonzales. So who is Ri...