Wednesday, September 19, 2012

“Ipa-Binisaya”



 Karong Oktubre 5 – 7, 2012 sa University of San Carlos College of Architecture and Fine Arts (USC-CAFA) Theatre ilunsad ang “CINEMAREHIYON: Cinema in the Regions [Binisaya Film Festival]” kun “Binisaya”.
Kini usa ka flagship nga proyekto sa National Commission for Culture and the Arts (NCCA) pinaagi sa NCCinema nga nagsuporta sa pagpasundayag sa mga salida sa mga filmmakers sa nagkalain-lain nga rehiyunal nga film festival.

Sa umaabot nga “Binisaya” naglangkub kini og film competition, film exhibition ug awarding ceremony. Sa film competition atong masaksihan ang mga entries sa short filmsdocumentary ug music video. Abli ang tema, apan gi-awhag nga ang mga submissions maghulagway sa mga naandan natong mga Bisaya.         
                                                                                                    
Ipasundayag usab ang nagkalain-lain nga mga classic ug contemporary Cebuano films sama sa “Manok ni San Pedro”, “My Paranormal Romance” ug “Ang Damgo ni Elueteria”. “Ang Sayaw ng Dalawang Kaliwang Paa”, isip guest-film, motagbaw kanato aron maablihan ang atong pagsabot sa gender-equality.

Ang “Binisaya” karong tuiga una nga “Cinemarehiyon”, sa mubo nga kasinaitan niini. Apan, niadtong Oktubre 30, 2009 sa Turtle’s Nest gi-feature ang “Uwan Init Pista sa Langit”, “Yawyaw” ug “Mga Damgo” isip mga salida sa unang “Binisaya”. Gisundan niadtong December 2 – 3, 2011, isip ika-duha’ng “Binisaya” nga nag-feature og short ug full length films. Ang USC CAFA Theatre nahimong venue niini.

Usa sa mahukmano’ng output sa ika-duha nga “Binisaya” mao ang pagsalida sa “Biyernis Biyernis” (One Day. One City, Seven Stories) usa ka full-length film nga gimugna sa pito ka Cebuano filmmakers. Kini gi-feature sa British Broadcasting Corporation’s (BBC) Fast Track og, niadtong Hunyo ning tuiga, gipasalida sa Yerba Buena screening room sa San Francisco, California.

Karong Oktubre 5, ipa-salida ang gi-produce sa mga organizers nga laing full-length film isip featured film sa “Binisaya”.

Lakbay Binisaya

Sa pikas bahin, usa sa importanteng tumong ning maong festival mao ang pagsiguro sa lapad ug lawn nga partisipasyon sa mga manan-away. Kay matud pa ni direktor Lino Brocka, ang mga manan-away o ang katawhan usa sa importanteng hinagiban aron moluntad ang industriya sa pelikula.

Apan moluntad lamang kini, kung ang ilang mga kasinatian, sa bisan unsa nga dimensiyon, mahatagan og visual nga katin-awan aron masabtan. Sa ingon, mapangitaan kini og hinanali ug malungtarong alibyo.
Tipik sa pag-hatag og importansiya sa mga manan-away karong tuiga, gipili nato ang mga estudyante ug kabatan-onan isip mga hurado. Nga kun motan-aw tag mga pelikula sa mga emerging filmmakers, ngano’ng dili kita maka pangita og mga bag-ong film critics?

“Ipa-Binisaya”

Sama sa naandan sa lapad natong mga kaigso-unan nga magpa-binisaya para matambalan ang nagkalain-lai’ng sakit, ang “Binisaya” susama niini, diin ang atong mga kasinati-an ug yangu-ngu, matambalan pinaagi sa pagpasundayag sa mga salida nga naghulagway sa atong mga abunda nga kasinatian nga nagpangita og kabag-uhan.   

No comments:

What does Courtney Act and Rich Fernandez have in common?

Self-proclaimed Courtney Act fanboy Rich Fernandez does a fun and quirky shoot with Filipino photographer Adrian Gonzales. So who is Ri...